نكت
| 1 |
تكارتة يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال:وأني سممتلك الهوايش كلهن |
| 2 |
محشش راح للمطار يستقبل أبوه باس الجنطه وشال أبوه |
| 3 |
محشش عوّز ..دز إبنه يجيب
عوازه..أبنه انكمش بالطريق وأنحكم عشر سنين ..من طلع من السجن رجع للبيت تلگاه
أبوه بالباب گال له: إبن الكلب وين صارلك ساعه ؟هوّه براس الشارع.
|
| 4 |
محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟ |
| 5 |
متدين في قمّة الأدب يدگ باب الثلاجه قبل لايفتحها. |
| 6 |
عجوز هجموا عليهه حراميه راحت تدليهم على مكان الذهب والمجوهرات وهيه فرحانه فلما باگوا كل شئ ورادوا يطلعون گالتلهم: وين ..؟ شنو ماكو إغتصاب؟؟ |
| 7 |
محشش يسوق سياره ..وگفه شرطي
المرور گال له إجازتك؟..گال أي حشيش هذا اللي تحچي عنّه.
|
| 8 |
واحد راح يسرق بيت وحده سمينه حيل ..مسكته وگعدت عليه وگالت لابنها: يمه محمود خابرلنا الشرطه..الحرامي من يمه گام يصيح:عفيه بسرعه يا محموووووووود. |
| 9 |
ابو بريص نايم بالمستشفى
متكسر ، سألوه سلامات .. خو ماكو شي؟؟ گاللهم: والله كالعادة ... نعال.
|
| 10 |
صرصر راح يعزي بوفاة صرصر ..سأل أهله:شلون مات المرحوم؟ گالوا بذاك المرض اللعين...گال أيبااااه..هم بالشحاطه!! |
| 11 |
صرصر بالأنعاش شاف
صرصر لاخ جايبيه عالسديه گال له: ها أخي .. هم شحاطه؟ گال لا والله بف باف.
|
| 12 |
دجاجة وديچ شافوا محل شاورمه
دجاج.. گاللهه الديچ: شوفي!!.... هذا مصير اللي ماتسمع كلام زوجها.
|
| 13 |
دجاجه إنتحرت وكتبت على ورقه:خلّي( ماجي) ينفعكم..!!
|
| 14 |
طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب. |
| 15 |
زمال راد يغازل
صاحبته گاللهه: شوكت تتزوجيني يازماله؟ گالتله:من تحسّن ألفاظك يا زمال!!
|
| 16 |
هايشه وگفت گدام المرايه وگالت:والله حرام كل هذا الجمال وياخذه ثور. |
| 17 |
حيّه تبچي ..گالولها :ليش؟؟ گالت
خمس سنوات إمخيله عله عربيد وبالأخير طلع صونده.
|
| 18 |
واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو
لحيه؟ گال:لا لحيه..گلله:طيب شيل راسك شويه..گال:لعد سويهه شعر.
|
| 19 |
واحد گال لمرته الحضريه شناكل
اليوم گالت: مسويه رجيم گال اي والله ماضايگهه.
|
| 20 |
واحد يم صاحبته دگ عليه الموبايل ..طلعت مرته.. گال عجيب شمدريهه أني هنا؟ |
| 21 |
واحد راح يحج شاف الناس تشمر حجار گال: أيّباااااااه.......لهنا وصلت إسرائيل؟ |
| 22 |
اكو ثنين مساجين
خططوا يقتلون الحارس ويهربون راحوا شافو الحارس ما موجود رجعوا گالوا: خربت
الخطه
|
| 23 |
واحد گال لصاحبي :بالله
شوف ألاشاره مال السياره تشتغل؟ فگال له صاحبه: إي..لا..إي..لا..إي..لا....... |
| 24 |
فد واحد بالحرس الوطني گالوله: من
تشوف المّلة.. تضرب واحد وعشرين طلقه..گال: وإذا صوبته بأول وحده...أكمّل
الباقي؟
|
| 25 |
واحد عنيد.. صاحبه دگ عليه الباب گال:منو؟ گال:أنا..گال :لا مو أنته |
| 26 |
غبي يصبغ السقف بالبويه
گالت له أمه:يمه خلي جريده جوه رجليك.. گال لا ماما ميحتاج... أنوش .
|
| 27 |
غبي گالوله الحگ مرتك تخونك بالبستان ويه صديقك..راح ركض ورجع وره شويه گال:مناعيل الأهل هنّه شجرتين.. سووهه بستان..وچماله الولد طلع لا صديقي ولا أعرفه |
| 28 |
غبي گالو له شفنا واحد راكب ويه مرتك بالسياره ومرتك تسوق بسرعه طايره .گال لاتخافون عليهه ..شاطره بالسياقه |
| 29 |
محشش كتب لافته على باب محله: يوجد لدينا ثلج بارد جداً |
| 30 |
بعد فتره من نجاح الاعلان كتب:ملاحظه.. المحل يفتح ليلاً ونهاراً فقط |
| 31 |
محشش گالوله شنو رايك إذا
نوال الزغبي طلبت منك تنام وياهه؟ گال والله إذا مو كلش نعسان ما أگدر.
|
| 32 |
غبي يلعب برمانه يدويه.. گالوله :ماتخاف تنفجر؟ گال: عدنا هوايه بالبيت |
| 33 |
لوتي سألوه شتسوي
اذا ردت تصيد أرنب ؟ گال: أقلد صوت جزر.
|
| 34 |
محشش طلّع الصوبه ليبرّه البيت.. گالوله ليش؟؟ قال :مو برّه أبرد من جوّه. |
| 35 |
محشش يسبح بالشط ويندعي: يا إلاهي لاتموتني لخاطر المره والجهال..صديقه سمعه گال له: لك يامره ياجهال؟ إنته يمته متزوّج..المحشش غمزله وعض له شفـّه |
| 36 |
اعور گال للدكتور :دكتور كلما أشرب
چاي عيني توجعني..گال له الدكتور :طيب كلما تريد تشرب الچاي وخّر الخاشوگه.
|
| 37 |
غبي شاف گشر موز بالشارع گال:أوهوووو..شلون شغله ؟ هم راح نزلگ!! |
| 38 |
لوتي سأل أبو المحل:عندك تلفزيونات
ملونه؟ گال له نعم.. گال فد واحد أزرگ للجهال الله يخليك.
|
| 39 |
اثول عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه |
| 40 |
غبي گال له أبوه روح إغسل وجهك راح يجونه خطار..گال وبلكي ما إجوا؟ |
| 41 |
صاحي جدا حب يتغزل بمرته بالفراش گال لها:شايفه هذاك الگمر؟؟ گالت:إي.. گال :ريحة أباطاتچ واصله لهناك. |
| 42 |
محشش گال لمرته شايفه الگمر ذاك؟ گالت نعم.. گال إبوكس واحد أوصلچ يَمّه. |
| 43 |
لوتي أتصل بالأطفاء گاللهم:شنو إذا
ماكو حريق منشوفكم يعني؟؟
|
| 44 |
طالب سأله
المعلم:من هو النبي الذي كان يكلم الحيوانات؟؟ گال:سيدنا طرزان عليه السلام.
|
| 45 |
خوثة گالولها: الموضه هالسنه جلد
طبيعي..طلعت للسوق مصلخه.
|
| 46 |
واحد راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟؟ |
| 47 |
واحد سألوه: ششفت ببغداد؟ گال السفن أب..گالوا شنو يعني ؟ گال بطل تفتحه لو تلحگ تشرب منّه لو لا. |
| 48 |
واحد شاف المصلحه أم طابقين ببغداد واگفه..داخ.. گال ياساتر اشلون حادث رهيب..شصعّدهه وحده عاللُخ ؟ |
| 49 |
واحد شاف المصلحه أم طابقين ببغداد واگفه..داخ.. گال ياساتر اشلون حادث رهيب..شصعّدهه وحده عاللُخ ؟ |
| 50 |
تكريتي ما شايف شاف
نافورات هواي ببغداد گال : حيل..!! شكثر بيهه بوريات طاگه.
|
| 51 |
تكريتي شاف ببغداد قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟ |
| 52 |
فد واحد عرّس سكتاوي حط كاسيت فارغ
بالمسجل.
|
| 53 |
جيرانهم دگ الباب حيل منزعج گاللهم :يأ أخوان نريد اننام متنصون الصوت مال المسجل شويه |
| 54 |
اثول أشتره علچ أبو
السهم ..صار الليل وهوه يعلچ..گالوله نام..گال: بالحرام.. ما أنام إلا أخلصه.
|
| 55 |
غبي طگّت أموره بالتجاره جاب خدامه..ثاني يوم تعاركت مرته ويه الخدامه..گام عزل كل وحده ببيت |
| 56 |
واحد واهسه بالتجاره سمع صديقه يگول: الخميس يوافق 15 ..گال واذا ضغطنه عليه شويه ميسويهه أقل؟ |
| 57 |
مطوّع يطوف بالكعبه سمع الاذان سأل
اللي يمّه گاله: بروح أبوك ماكو جامع قريب هنا؟
|
| 58 |
غبي گال لجماعته: والله الخدمات
بالسعوديه للحجاج حيل محترمه وأنصحكم من تريدون تحجّون لا تروحون غير للسعوديه.
|
| 59 |
غبي اشتره تكسي..
بالشارع يصيحون عليه تكسي تكسي.. گاللهم عمي ادري والله ادري.
|
| 60 |
فد واحد متعاجز تزوج وحده حامل گال والله لأن مالي خلگ لليلة الدخله |
| 61 |
بخيل گال لجهاله اللي ينجح هالسنه اراويه سيارة الموطا |
| 62 |
بخيل گالوله: اذا بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر اشعلهه. |
| 63 |
بخيل دز ابنه على تلث گرص خبز من رجع الابن گاله ابوه : بابا رجّع وحده امك ماتت |
| 64 |
ثلاثة نايمين
بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه
ومشغلين البنكه عالخمسه؟
|
| 65 |
رجل يعتقد انه لازم واحد يسمّي قبل الأكل(يقول بسم الله)وإلا أكل ويّاه الشيطان.. وهذا ما ياكل غير البرغل أربع سنين..أخر شي طلعله الشيطان گال له:أخي العزير..مو روحي طلعت من هالأكله..لو تغيرها.. لو تسمّي قبل الأكل |
| 66 |
مدرس سأل طالب احمق گاله: أبوك شگد عمره گال ما أدري أستاد بس هوّه من زمان عدنه |
| 67 |
فد واحد خابر صاحبه
طلعله إبنه گاله: أبوك هنا؟ گال: نعم گال: عرفتني منو؟.. الأبن صاح.. بابا أكو
واحد يريدك عالتلفون ميعرف هوه منو.
|
| 68 |
احمق سألوه عن عمره گال 30 . وره عشر سنين سألوه گال 30 گالوا شلون ماكبرت؟ گال: الرجال عدنه كلمته وحده حتّه لو ألف سنه. |
| 69 |
سائق تاكسي ركبوا ثنين وياه رايحين لملعب الشرطه گالوله:إذا ممكن نادي الشرطه الله يخليك.. گال: ليش متخلّوهه بيناتكم اخوان |
| 70 |
غبي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب. |
| 71 |
لوتي أشتغل مخرج تلفزيوني راح لأهله گاللهم سوولي راس بصل حلقات وانطوني الحلقه الأخيره. |
| 72 |
احمق سوه عملية رفع
كليه فنجحت العمليه گال والله مدام هيچ لآكررها.
|
| 73 |
گالوا لمخبول :شنو رأيك بالموز؟ گال والله طيب لوما نوايته چبيره. |
| 74 |
اثول باوع لروحه بالمراية گال ياسبحان الله هالوجه موغريب عليه...وين شايفه؟؟ وره شويه أخذله صفنه گال:أها.... يم الحلاق |
| 75 |
لوتي وگـّف تكسي گال له: فارغ؟ گال: نعم گال :متنزل نسولف شويه نگضي وكت |
| 76 |
ثنين راجعين من بغداد للرمادي ..يم البانزين خانه نزل السايق يشتري ببسي والثاني راح يبول..السايق جاب الببسي ونسه صاحبه وراح للرمادي ..أهل ذاك خابروه: لعد فلان وين مارجع وياك؟.. گال أهوووو.. أگول إلمن الببسي الثاني؟ |
| 77 |
واحد قال له أبنه: بويه إجازة السوق مالتي سقطت.. قال له أبوه:طبعاً.. من كثر دياحتك بالشوارع |
| 78 |
حرامي طب لبيت يبوگ مالگه شي..خابر
رقم بأمريكا وخله السماعه مرفوعه للصبح.
|
| 79 |
واحد رادوا يعذبوه انطوه ورقه مكتوب عليهه من الوجهين (إقلب الصفحه) |
| 80 |
برميل سأل اخر :وين هالأيام؟ متنشاف؟ گال له: والله مو فارغ. |
| 81 |
احمق فتح باب السياره يريد ينزل شاف المطر قوي..سدهه ونزل من الباب الثانيه. |
| 82 |
فد واحد گال لأبوه: بويه أريد (كيري).. قال له أبوه: والله ماتاخذ غير بت عمك..قال له: بويه كيري جبنه..قال أبوه: وبت عمك گيمر يبويه |
| 83 |
بخيل تزوج راح شهر العسل بوحده |
| 84 |
محجبه لابسه قصير.. گالولها: ليش؟ گالت: حتى أرضي الله وعباده |
| 85 |
ثنين
إعجوزچيه..واحد اتثاوب ..الثاني گال له: مدام فتحت حلگك متصيحنا على ماي صارلي
إسبوع عطشان.
|
| 86 |
مطفّي ويه صاحبته بالكازينو..أنگطعت الكهرباء..گالتله: يلله إنتهز الفرصه....گام شرد بلا ميدفع الحساب |
| 97 |
دايخ ديسوق دعم اللي گدامه..نزل ذاك گال له: شنو..چنك ماشايفني؟ گال: والله شايفك.. بس ما أتذكر وين |
| 98 |
أحول إتزوج عله مرته...طلعت هيه نفسهه |
| 99 |
معيدي گال له إبنه:
بويه لازم أدرس بالخارج..گال:وأخوتك وين يخرّون؟
|
| 100 |
حشاش راح يشتري حشيشه..شاف الشرطه بالشارع..ذب الفلوس وأنهزم |
| 101 |
غبي انسرقت سيارته..ركض وراهه ورجع گال:هم زين أخذت رقمهه . |
| 102 |
منثول سوه دعوه سرقة سيارته..گالوله:شگد رقمهه؟ قال : والله ثمنتالاف..ثمنتالاف وثمنميّه..بهل حوالي..المهم أقل من تسعميه |
| 103 | واحد شاف واحد ويه مرته..جر المسدس عليه..ذاك گال:لك كاكا هذي الكاميرا الخفيه.. الكردي گال:خره بعراضكم..ماكو غيري؟..هاي خامس مره تنكتون بيّه |
| 104 |
واحد جاب شاهد زور يشهدله بالمحكمه گال: أريدك تشهد أني اطلب فلان مليون دينار..گال له : ليش لهسه ما سددهن؟ |
| 105 |
واحد حب يتحارش بوحده وياه
بالجامعه..طخهه فوگعن كتبهه..گام لمّلهياه كلهن..گالت له: شكراً..عذبناك..گال:
بالعكس.. لاعذاب ولا خره.
|
| 106 |
حشاش دينظم ميزانية المصروفات گال:هاذي ألف للكهرباء..هاذي للأكل..هاذي للحشيشه..اندگت الباب رأسأ..وإذا الشرطه..گام رأساً مزّگ فلوس الحشيشه |
| 107 |
صيدلي إجاه واحد گال له: عندك دوه للصراصير؟ گال له:خير شبيهن؟ |
| 108 |
شيخ جامع خله( أنسر مشين )مال تلفون..كل اللي يخابر يگول له:الشيخ غير موجود..أترك رساله بعد سماعك سورة البقره. |
| 109 |
سكران خابر الشرطه گاللهم:أكو حادث بيه خمسين سياره مگلوبه..إجوا لگوه يخابر من يم السكراب مال كسره وعطش |
| 110 |
واحد دخل عالمُلاّ رافع
أصبعين(علامة النصر)..گال الملاّ:ها إنتصرنا؟ گال:لا بقينا بس إثنين.
|
| 111 |
محشش كمشوه الشرطه
گالوله :تفضل بالسياره ويانه..گال:لا شكراً بيتي قريب.
|
| 112 |
واحد زعلان ويه عائلته..دزلهم رساله فارغه |
| 113 |
احمق گالوله شنو أصعب موقف
بحياتك؟..گال من ازين لحيتي وأني أعلچ.
|
| 114 |
واحد عجزان..أسبوعين واگع بحفره يصيح محد يطلعه..أخير شي گال: أيست من البشر أطلع بوحدي. |
| 115 |
عجوزي ..گل لمرته:
خططي ظهري مربعات ورقميهه من الواحد للميه وحكيلي رقم 72
|
| 116 |
فد واحد شاف وحده تستعمل الشسوار..گال: وإحنه ليهسه بتكريت نگصع الگمل بدينه |
| 117 |
منثول راح لطبيب عيون گالّه: دكتور من أغمض بعد مأ أشوف |
| 118 |
محشش يگل لصاحبه: تصور كيلو اللحم بنص دينار ..صاحبه گال: عجيب !!وين هاي؟گاله: دا أگللك تصور. |
| 119 |
دليمي يگول: أحسن خمس أشياء بالدنيه..الچاي والگهوه |
| 120 |
بخيل جدا گال:إذا إجاني ولد أصوم خمس تيام..صار عنده ولد..صامهن..وره فتره مات الولد..گال:إلا أخصمهن من رمضان |
| 121 |
لوتي سأل صاحبه: اليوم سبت لو أحد؟ گال:الأثنين..گال:سبحان الله..چفته وحده!! |
| 122 |
فد واحد اتهموه بسرقة سياره..گال:ماكو هيچ شي ..فتشوني |
| 123 |
واحد اشتره لمرته علبة كريم مغذي بشره..گعد الصبح لگاهه تريگ بيها الجهال |
| 124 |
واحد بليلة الزفه..ركض گبل الجميع للسياره حته يگعد بالصدر |
| 125 |
احمق ماشايف سياره خمسه گير..أشتره وحده گال: شنو فائدته الخامس..گالوله من تريدهه تطير بدل خامس..وره فتره ديمشي شاف حادث بنص الطريق..گال: أيه..إجه وكتك يالخامس |
| 126 |
واحد هدتله صاحبته ببغاء..وره فتره خابرته وسألته:شلونه الببغاء؟..گللهه:عادي مثل طعم الدجاج |
| 127 |
منثول يعزي ناس..شلون مات المرحوم؟ گالوله بحادث سياره..گال شنو أثول ميشوف؟ |
| 128 |
حشاش عطس ...صاحبه گح..گلله ليش تغير الموضوع؟ |
| 129 |
قزم راح يفصل قاط گل للخياط: سأله شوكت أجي عليه؟ گلله أخذلك فره وتعال |
| 130 |
قزم عطس ..طخ راسه بالگاع ومات |
| 131 |
واحد بنه بيت مدوّر وگال لمرته:هم گولي بعد حابسني بين أربع حيطان؟ |
| 132 |
بخيل بالسوگ أبنه گلله : بابا أحب النستله...گلله: بابا حبهه ورجعهه |
| 133 |
واحد معزوم بعيد ميلاد من خلصت الحفله گللهم:ياجماعه عود باجر عيد الميلاد عليّه. |
| 134 |
واحد زعل على مرته..إجت ترضيه..گالتله: أسويلك مساج؟..گال:لا متعشي بره |
| 135 |
واحد مرته جابت توم..فرح حيل و گال
للطبيبه: والله ما أطلعها من المستشفى إلا تاخذين واحد بشاره.
|
| 136 |
بخيل جدا گال لإبنه إذا نجحت أراويك واحد يشرب ببسي |
| 137 |
واحد خطب بنيه..گله ابوهه: مو البنيه هسه تدرس..گال: زين أروح فد ساعه وأرجع؟ |
| 138 |
احمق راح يعزي جماعه....گلهم مع الاسف يعني ماكو أمل يرجع؟ |
| 139 |
واحد گللوله: شنو
رأيك بالدوندرمه؟ گلهم: والله طيبه بس الگلاص شويه يسوي عندي جالي.
|
| 140 |
بزون محشش گال: والله نسيت...هيّه ميو لو إييو |
| 141 |
واحد زوجوه أهله..گعد الصبح گل لأمه: يمه خليها تنام عدنا بعد |
| 142 |
صرصر سأل صاحبه: شلونك هالأيام خو
ماكو نعل؟..گله: لا الحمد لله أبو البيت أحول.
|
| 143 |
محششين ثنين قلدوا سيارة النجده..واحد يصيح: ويو وييو وييو.. والثاني يصيح:أحمر أزرگ...أحمر أزرگ...أحمر أزرگ |
| 144 |
سكران راح للمطعم..گالهم: عدكم
عشه؟..گالوله: نعم..گال: ليش ماعزمتوني؟
|
| 145 |
واحد ببرنامج طلبات الاغاني گال: وأهديها الى فلان بمناسبة وفاة والدته. |
| 146 |
واحد ديخطب..قدموله جگاره..گال: لاوالله ما أدخن بس ويه العرگ؟ |
| 147 |
واحد خبيث لگفله إيميل مال جني..گام كل شويه يدزله(بسم الله الرحمن الرحيم). |
| 148 |
غبي لازمله ثلجايه
ويگول: والله أموت لو بس أعرف منين مزروفه؟
|
| 149 |
بخيل يعالج يريد يموت..شاف ولده كلهم يم راسه..گعد گال:مناعيل الوالدين كلكم هنا..عجل منو بقه بالدكان؟ |
| 150 |
تكريتي طرده أبوه من البيت...كتب عالباب: مقر حزب الدعوه الرئيسي |
| 151 |
تكريتي شاف واحد يحترگ طفاه..گال حته يعيش مشوه. |
| 152 |
أدم شاف حواء تسوي محشي ورق عنب گلهه: ليش تلعبين بهدومي؟ |
| 153 |
شيخ جامع محشش وجعه راسه..أخذ حبايه أسبرين ومالگه ماي. تيمم |
| i |
دايخ فتح محل ثلج..ماعرف شيسمّيه..كتب محل المياه اليابسه |
| 155 |
محشش سأل صاحبه: صدگ أزاد نامق أخو أراس عثمان؟...گله: لا بس تشابه أسماء |
| 156 |
أحول رجع من العسل..سألوه:ها أرتاحيت؟..گال شلون أرتاح وأختهه لازگتلهه 24 ساعه |
| 157 |
تكارتة يلعبون على خط الرطبه السريع..اللي ينسحگ مرتين يخسر |
| 158 |
بخيل حط فلوس بالبنگ..يوميه يمر ويدگ عالتنكه يخاف لينام الحارس |
| 159 |
واحد گال لإبنه: بابا روح إسگي
الشتله..گلله بابا موجاي تمطر الدنيه..گلله ميخالف بابا أخذ شمسيه وروح.
|
| 160 |
احمق سمع مرته تطلگ وتصرّخ...صاح: أني السبب...أني...أني موغيري |
| 161 |
طلي ديذبحوه وهوه خربان من الضحك..گالوله ليش؟..گال السچينه بالمگلوبي |
صفحات نكت
| الغاز | طرائف خليجي | نكت ثامر | طرائف العرب | النكت العربية |
| نكت وينك | كنوز الفكاهة | قاموس النكت | طرائف ماوكلي |
صفحات كاريكاتير
| عبدالسلام الهليل | كاريكاتير حمد | صفحة كاريكاتير الزواوي | افكار ورسوم خالد | كاريكاتير بهاء |
| كاريكاتير احمد عبدالعزيز | كاريكاتير قرعان | كاريكاتير قرعان |
العاب مسلية